వ్రేపల్లె వాడలో గోపాలుడే..నంద గోపాలుడె

శ్రీమద్రమారమణ గోవిందో హరి
శ్రీ అకౄరవరద గోవిందో హరి

హరి హరెలొరంగ హరి ... హరెలొరంగ హరి..
వ్రేపల్లె వాడలో గోపాలుడే..నంద గోపాలుడె
మాపాలి దేవుడైవచ్చాడులే...మామీద దయచూప వచ్చాడులే
వ్రేపల్లె వాడలో గోపాలుడే..నంద గోపాలుడె

నల్లా నల్ల నివాడు .. నాజూకు వన్నెకాడు
దొంగలాగ నక్కి నక్కి వచ్చాడే
కోకలెత్తుకొని పోయి దాచాడే
పుట్టినపుడు లేనికోక .. గిట్టినపుదు రానికోక
ఇప్పుడింక ఎందుకని చెప్పినాడే ..
అబ్బో మెట్టవేదాంతాలు గుప్పినాడే
వ్రేపల్లె వాడలో గోపాలుడే..నంద గోపాలుడె

పదారువేల గోపెమ్మలపై మత్తుమందుని చల్లినవాడు
చక్కనైన ఒక చుక్కను చూసి సైయని సైగలు చేశాడు....
పిల్లనగ్రోవిని వూది కులుకుచూ చూపులగాలం వేశాడే...
ముసిముసినవ్వుల ముద్దులాడుచూ రాసక్రీడలు చేశాడే....ఎన్నెన్నో లీలలు చేశాడే
వ్రేపల్లె వాడలో గోపాలుడే..నంద గోపాలుడె

ఒంటిపాటుగా వున్నాడయ్యా… భయమేలేదను కున్నాడయ్య....
పొంచివేసిన అదురుదెబ్బతో అవతారం చాలించాడయ్యా...
వ్రేపల్లె వాడలో గోపాలుడే..నంద గోపాలుడె
మాపాలి దేవుడైవచ్చాడులే...మామీద దయచూప వచ్చాడులే
వ్రేపల్లె వాడలో గోపాలుడే..నంద గోపాలుడె

మోహనరూప గోవిందా మానసచోర గోవిందా
విలాసపురుష గోవిందా విచిత్రవేష గోవిందా
కపటనాటక గోవిందా కన్యాపహార గోవిందా
గోవిందాహరి....గోవిందాహరి....గోవిందా గోవిందాహరి....గోవిందాహరి....గోవిందా

శ్రీమద్రమారమణ గోవిందో హరి.....