ఇరువురు భామల కౌగిలిలో స్వామీ

ఇరువురు భామల కౌగిలిలో స్వామీ .. ఇరుకున పడి నీవు నలిగితివా
ఇరువురు భామల కౌగిలిలో స్వామీ .. ఇరుకున పడి నీవు నలిగితివా
వలపుల వానల జల్లులలో స్వామీ తల మునకలుగా తడిసితివా

చిరుబురులాడేటీ శ్రీదేవీ నీ శిరసును వంచిన కథ కన్నా
రుసరుస లాడేటీ భూదేవీ నీ పరువును తీసినా కథ విన్నా
గోవిందా...ఆ.. గోవిందా...ఆ.. గోవిందా...
సాగిందా జోడు మధ్యల సంగీతం .. బాగుందా భామలిద్దరి భాగోతం

చరణం 1:

ఇంటిలోన పోరంటే ఇంతింత కాదయా .. అన్నాడు ఆ యోగి వేమనా
నాతరమా భవసాగర మీదనూ .. అన్నాడు కంచెర్ల గోపన్నా
పరమేశా గంగ విడుము పార్వతి చాలున్
ఆ మాటలు విని ముంచకు స్వామీ గంగన్
ఇంతులిద్దరైనప్పుడు ఇంతే గతిలే .. సవతుల సంగ్రామంలో పతులది వెనకడుగే
ఇంతులిద్దరైనప్పుడు ఇంతే గతిలే .. సవతుల సంగ్రామంలో పతులది వెనకడుగే

ఇరువురు భామల కౌగిలిలో స్వామీ .. ఇరుకున పడి నీవు నలిగితివా

చరణం 2:

భామ కాలు తాకిందా కృష్ణుడే గోవిందా .. అన్నాడు ఆ నంది తిమ్మనా
ఒక మాట ఒక బాణము ఒక సీత నాదని .. అన్నాడు సాకేత రామన్న
ఎదునాథా భామ విడుము రుక్మిణి చాలున్
రఘునాథా సీతను గొని విడు శూర్పణఖన్
రాసలీలలాడాలని నాకు లేదులే .. భయభక్తులు ఉన్న భామ ఒకతే చాలులే
రాసలీలలాడాలని నాకు లేదులే .. భయభక్తులు ఉన్న భామ ఒకతే చాలులే

ఇరువురు భామల కౌగిలిలో స్వామీ .. ఇరుకున పడి నీవు నలిగితివా
వలపుల వానల జల్లులలో స్వామీ తల మునకలుగా తడిసితివా
గోవిందా...ఆ.. గోవిందా...ఆ.. గోవిందా...