నవనీతచోరుడు నందకిశోరుడు

చిత్రం: కృష్ణ ప్రేమ (1943)
పల్లవి:
నవనీతచోరుడు నందకిశోరుడు అవతారపురుషుడు..
దేవుడే చెలి అవతారపురుషుడు దేవుడే..
తెలియని మూఢులు కొలిచిననాడు
ఎటువంటివాడు భగవానుడే..ఎటువంటివాడు భగవానుడే

చరణం 1:

పసివయసునందే పరిపరివిధముల.. ప్రజ్ఞలు చూపిన మహనీయుడే
...ప్రజ్ఞలు చూపిన మహనీయుడే
హద్దుపద్దులేని ముద్దుల పాపడి ...అల్లరికూడా ఘనకార్యమేనా
...అల్లరికూడా ఘనకార్యమేనా

ఆ ఆ ఆ నవనీతచోరుడు నందకిశోరుడు అవతారపురుషుడు...
దేవుడే చెలి... అవతారపురుషుడు దేవుడే

చరణం 2:

కోనేట యువతులు స్నానాలు చేయ
కోనేట యువతులు స్నానాలుచేయ... కోకలదొంగ మొనగాడటే
అహ... కోకలదొంగ మొనగాడటే

పడతులకపుడు పరమార్ధపథము.. భక్తిని నేర్పిన పరమాత్ముడే
..భక్తిని నేర్పిన పరమాత్ముడే
నవనీతచోరుడు నందకిశోరుడు.. అవతారపురుషుడు... దేవుడే చెలి అవతారపురుషుడు ..దేవుడే

చరణం 3:

పదునాలుగు జగములు పాలించువాడే ఏ.. ఏ.. ఏ ..ఏ ..ఏ
పదునాలుగు జగములు పాలించువాడే ..ప్రత్యక్ష దైవము శ్రీకృష్ణుడే..
...ప్రత్యక్ష దైవము శ్రీకృష్ణుడే..

ఎదురేమిలేని పదవిని ఇస్తే....ఎటువంటివాడు భగవానుడే..ఏ..
...ఎటువంటివాడు భగవానుడే