రాగం : దేశాక్షరి - రాధికాకృష్ణ రాధికా

రాగం : దేశాక్షరి - రాధికాకృష్ణ! రాధికా
రాధికాకృష్ణ! రాధికా
రాధికా తవ విరహే కేశవ! ॥ 

సరస మసృణమపి మలయజ పంకం ।
పశ్యతి విషమివ వపుషి సశంకమ్‌ ॥

శ్వసిత పవనమనుపమ పరిణాహం ।
మదన దహనమివ వహతి సదాహమ్‌ ॥

దిశి దిశి కిరతి సజల కణజాలం ।
నయన నళినమివ విగళితనాళమ్‌ ॥

నయన విషయమపి కిసలయ తల్పం ।
కలయతి విహిత హుతాశ వికల్పమ్‌ ॥

త్యజతి న పాణి తలేన కపోలం ।
బాల శశినమివ సాయమలోలమ్‌ ॥

హరిరితి హరిరితి జపతి సకామం ।

విరహ విహిత మరణేన నికామం ॥

శ్రీ జయదేవ భణితమితి గీతం ।
సుఖయతు కేశవ పదముపనీతమ్‌ ॥