రాగం : కళ్యాణి - ఓ రామా శ్రీ రామా నీ నామమొకటె

రాగం : కళ్యాణి - ఓ రామా శ్రీ రామా  నీ నామమొకటె  

ఓ రామా శ్రీ రామా  నీ నామమొకటె  నిత్యమురా
నీ రూపమొకటే సత్యమురా
నిలువదు నిలువదు ఈ కాయం
ఇది నిమశములో మటుమాయం !! ఓ రామా శ్రీ రామా  !!

1. తనవారెవరో పరవారెవరో
తనువు రాలితే తదుపరి ఎవరో
ఉన్నంతకాలం ఎంతెంత మొహం
ఎన్నడు తీరునో ఈ వింత దాహం  !! ఓ రామా శ్రీ రామా  !!

2. ఇల్లు మిగలదు ఇల్లాలు మిగలదు
నాదనుకొన్నది ఏదీ మిగలదు
చివరకు మిగిలేది చేసిన పుణ్యం
అది చేయగలిగిన బ్రతుకే ధన్యం  !! ఓ రామా శ్రీ రామా  !!

3. కలిమిలేములు వెలుగు నీడలూ
హోరుగాలిలో ఊగే ఓడలూ
కడలి దాటితే తనగెలుపు కాదూ
నడుమ మునిగిన ఓటమి కాదూ  !! ఓ రామా శ్రీ రామా  !!