రాగం : మాల్ కోస్ - రామ భజనకు రమ్మని పిలిచినా

రాగం : మాల్ కోస్ - రామ భజనకు రమ్మని పిలిచినా 

 రామ భజనకు రమ్మని పిలిచినా - రాలేననకే ఓ మనసా
రామతారకం దివ్య ప్రసాదం - పరమానందం ఓ మనసా !!  రామ భజనకు !!

1. జన్మలన్నింటికీ పవిత్రమైనది - మానవజన్మమే ఓ మనసా
ఈ జన్మములో హరిని మరచితే - కడకే జన్మమో ఓ మనసా  !!  రామ భజనకు !!

2. నవద్వారములా ఈ నరబండి - తోలు బొమ్మలై ఓ మనసా
గూడును విడచి బయటకు పొతే - పిలిచిన పలుకవు ఓ మనసా  !!  రామ భజనకు !!

3. బంధుమిత్రులు భార్యా బిడ్డలూ -బ్రమలిడ లేవే ఓ మనసా
కన్నుమూసితే ఈ భ్రమలన్నియు - కలగా మిగిలెను ఓ మనసా   !!  రామ భజనకు !!

4. బ్రమ్మసృష్టిరా బ్రతుకు మట్టిరా - కట్టెకాటికే ఓ మనసా
ఈ కలియుగములో రామనామమే - ఇహమే పరమే ఓ మనసా   !!  రామ భజనకు !!