విన్నానులే విన్నానులే

విన్నానులే వరస :: ఆది తాళం శ్రీ కృష్ణుని పాట

 విన్నానులే -  విన్నానులే
నీ మహేంద్ర జాలము  కన్నానులే  కన్నానులే
ఇంటికి మింటికి  = జంట లేక
నావంటి దీనుల - పంటల ప్రభువని

1.  విన్నానులే - విన్నానులే
నీదాసుల సేవ  చేసేనులే  చేసేనులే
దీక్షతో ద్రౌపది తలంచి నంతలో
అక్షయ వలువలు -  ఒసగిన ప్రభువని

2.  విన్నానులే  - విన్నానులే
నీ దాసుల చేరి వేడేనులే  వేడేనులే
పిడికెడు అటుకులు - మెసవి కుచేలుని
అడుగని సిరులిచ్చి- బ్రోచిన ప్రభువని

3.  విన్నానులే- విన్నానులే
నీ దాసుల పంచలో- ఉన్నానులే  ఉన్నానులే
అంచితమగు- నా సంచిత కర్మల
చించి చించి - రక్షించెడి ప్రభువని

4.  విన్నానులే- విన్నానులే
నీ నామమె గతి యని- పాడేనులే పాడేనులే
శ్రీ వేంకట గురువర - కరుణను బడసిన
లక్ష్మయాఖ్యుని - ఏలిన ప్రభువని