బౌళ
పల్లవి:
నమో నమో రఘుకుల నాయక దివిజవంద్య
నమో నమో శంకర నగజానుత
చరణములు:
విహితధర్మపాలక వీరదశరథరామ
గహనవాసినీ తాటకామర్దన-
అహల్యా శాపమోచన అసురకులభంజన
సహజ విశ్వామిత్ర సవనరక్షకా
హరకోదండహర సీతాంగనావల్లభ
ఖరదూషణారి వాలిగర్వాపహా
తరణితనూజాది తరుచరపాలక
శరధిలంఘనకృత సౌమిత్రిసమేతా
బిరుద రావణ శిరోభేదక విభీషణ
వరద సాకేత పురవాస రాఘవ
నిరుపమ శ్రీవేంకటనిలయ నిజ సకల
పురవర విహార పుండరీకాక్షా
No comments:
Post a Comment