రాగం : హంస ధ్వని -జయహో జయహో జయహో

రాగం : హంస ధ్వని -జయహో జయహో జయహో
జయహో జయహో జయహో
కళామ తల్లికి జయహో. జయహో జయహో.....

పావనమైన భరత భూమిపై
కళాకారులకు కన్న తల్లివై
కల్ప వృక్షముగ కాపాడుటకై
కదలి రావమ్మా కళామ తల్లీ! జయహో.....

కళారాధనకు నడుం కట్టితిమి
కళామ తల్లికి కళా కానుకగ
సమర్పింతుము మా శక్తి
దీవించుము మము ఓ జననీ! జయహో.....

జయముకై మేము జయభేరి మ్రోగించి
జయజయ ధ్వనులతో విజయ శంఖము ఊది
కర్పూర హారతులు మీకొసంగెదమమ్మా
కరుణించి కాపాడు కల్పవల్లీ మమ్ము. జయహో......