మధురా భాషిని మంజుల రూపిణి,

మధురా భాషిని మంజుల రూపిణి, అంబర వేణి వీణాపాణి


కాపాడగదె కమలజు రాణి, కరుణింప గదే జ్ఞానతరంగిని
సాహిత్యము నీ సుందర రూపము, సంగీతము నీ సుందర హాసము
అజ్ఞాన అంధ వినాశ కారిణి, ఆదరింపు మము రిపు సంహారిణి -- మధుర భాషిని --

ఓంకారము నీ నాద స్వరూపము, హ్రీంకారము నీ శక్తి స్వరూపము
పంకజ నాభుని కోడలా మము, పాలింపగదే పరమపు రాణి,
వాణి నీ పారాణి పాదముల, ప్రణవిల్లెదవొ వాణి రూపమది,
వీణను మీటుతూ చిరు నగవులతో, వెంచేయ గదే వేద సరస్వతి -- మధుర భాషిని --