లక్ష్మీ రావే మా ఇంటికి, క్షీరాబ్ది పుత్రి, మహా లక్ష్మి రావే మా ఇంటికి
లక్ష్మీ రావే మా ఇంటికి, రాజీతముగా నిన్ను కొలుతు,
ఎల్ల సంపదల నొసగే, సుందరి సుకుమారి తల్లి -- లక్ష్మీ --
ఎట్ల నిను ఎత్తుకుందు నమ్మ, మహాలక్ష్మీ తల్లి
ఎట్ల నిను ఎత్తుకుందు నమ్మ.
ఎట్ల నిను ఎత్తుకుందు ఆట్లాడే బాలవు నీవు,
ఇట్లా రమ్మనుచు పిలిచి కోట్ల వరమిచ్చే తల్లి, -- ఎట్ల నిను ఎత్తుకుందు నమ్మ --
పసి బాలవైతే ఎత్తుకుందు, మహాలక్ష్మీ తల్లి,
పసిడి బుగ్గల పాల వెల్లి,
పూలు పండ్లు తోరణ ములతో, పాల వెల్లి కట్టిన వేదిక పై,
కలహంసా నడకలతోటి, ఘల్లు ఘల్లుల నడిచే తల్లి -- ఎట్టా నిను ఎత్తుకుందు నమ్మ --
మల్లె పువ్వులతో, పుజించేము, మహాలక్ష్మీ తల్లి,
మనసు మందిరము లో నిను నిలిపేము,
మగువలంత ఒకచో చేరి, మహాలక్ష్మీ రో నిన్ను కొలిచి
సౌభాగ్యం ఇమ్మని నిన్ను, చాల వేడెదము తల్లి -- లక్ష్మీ --
No comments:
Post a Comment