తత్త్వం : చంచలంబగు జగతిలోపల శాశ్వతం బొకటిదిరా

తత్త్వం : 

చంచలంబగు జగతిలోపల శాశ్వతం బొకటిదిరా 

కన్ను మూసి తెరుచులోపల కలిమిలేములు మారురా 

1/మాయ సంసారంబురా ఇది - మనసు నిలకడ లేదురా 

నాది నీది అనుచు నరుడా- వాదులాడ బోకురా !!చంచలంబగు!!

2.బంకమట్టి ఇల్లురా- యిది బుగ్గి బుగ్గి అవునురా 

ఆలుబిడ్డలు ఆస్తి పాస్తులు అంతయూ ఏమౌనురా  !!చంచలంబగు!!

3.రాజు రౌతు అనెడి  భేదము -బ్రతికి వుండే వరకురా 

మట్టి మట్టి కలసినాక- ఎట్టి భేదాలుందురా            !!చంచలంబగు!!

4.తత్వమర్మం తెలియలేకనే- తప్పు దారిని పోకురా 

ఆత్మ ఎపుడూ  చావు లేకనే- అంతటా వెలుగొందురా  !!చంచలంబగు!!

5.కాళి క్రిష్ణ  అనుచు నరుడా - మనసు కాళీ చేయరా 

శ్రే  కాళీకృష్ణ అనుచు నరుడా - ఆత్మశాంతి ని బొందరా  !!చంచలంబగు!!