రాగము: శ్రీరాగం- చాలదా హరినామ

రాగము: శ్రీరాగం-చాలదా హరినామ

చాలదా హరినామ సౌఖ్యామృతము దమకు చాలదా హితవైన చవులెల్ల నొసఁగ	॥పల్లవి॥
ఇదియొకటి హరినామ మింతైనఁ జాలదా చెదరకీ జన్మముల చెఱలు విడిపించ మది నొకటె హరినామ మంత్రమది చాలఁదా పదివేలు నరకకూపముల వెడిలించ	॥చాలదా॥
కలదొకటి హరినామ కనకాద్రి చాలదా తొలఁగుమని దారిద్ర్యదోషంబు చెఱుచ తెలివొకటి హరినామ దీపమది చాలదా కలుషంపు కఠినచీఁకటి పారఁద్రోల	॥చాలదా॥
తగువేంకటేశు కీర్తన మొకటి చాలదా జగములో కల్పభూజంబు వలెనుండ సొగిసి యీ విభునిదాసుల కరుణ చాలదా నగవుఁజూపులను నున్నతమెపుడుఁ జూప	॥చాలదా॥