రాగము: ముఖారి -బ్రహ్మఁ గడిగిన
| బ్రహ్మఁ గడిగిన పాదము బ్రహ్మము దానె నీపాదము | ॥పల్లవి॥ |
| చెలఁగి వసుధ గొలిచిన నీపాదము బలి తల మోపిన పాదము తలఁకక గగనము దన్నిన పాదము బలరిపుఁ గాచిన పాదము | ॥బ్రహ్మ॥ |
| కామినిపాపము గడిగిన పాదము పాముతల నిడిన పాదము ప్రేమపు శ్రీసతి పిసికెడి పాదము పామిడి తురగపుఁ పాదము | ॥బ్రహ్మ॥ |
| పరమయోగులకుఁ బరిపరి విధముల పరమొసఁగెడి నీపాదము తిరువేంకటగిరి తిరమని చూపిన- పరమపదము నీపాదము | ॥బ్రహ్మ॥ |
No comments:
Post a Comment