రాగము: లలిత --అంతర్యామీ అలసితి సొలసితి
| అంతర్యామీ అలసితి సొలసితి యింతట నీ శరణిదె చొచ్చితిని | ॥పల్లవి॥ |
| కోరిన కోర్కులు కోయని కట్లు తీరవు నీవవి తెంచక భారపుఁ బగ్గాలు పాపపుణ్యములు నేరుపులఁ బోనీవు నీవు వద్దనక | ॥అంత॥ |
| జనుల సంగములఁ జక్కరోగములు నిను విడువవు నీవు విడిపించక వినయపు దైన్యము విడువని కర్మము చనదిది నీవిటు సంతపరచక | ॥అంత॥ |
| మదిలో చింతలు మయిలలు మణుఁగులు వదలవు నీవవి వద్దనక యెదుటనేఁ శ్రీవేంకటేశ్వర నీవదె అదనఁ గాచితివి అట్టిట్టనక | ॥అంత॥ |
No comments:
Post a Comment