రాగం మోహన -- తిరుమల మందిర సుందర

రాగం  మోహన -- తిరుమల మందిర సుందర 

తిరుమల మందిర సుందర  - సుమధుర కరుణా సాగరా
ఏ పేరున నిను పిలచెనుర ఏ రూపముగా కొలిచేనురా !! తిరుమల మందిర  !!

1. పాలకడలిలో శేషశయ్యపై - పవళించిన శ్రీ పతివో
వెండికొండపై నిండు మనసుతో - వెలిగే గౌరీపతివో
ముగ్గురమ్మలకు మూలపుటమ్ముగా - భువిలో వెలసిన ఆదిశక్తివో  !!తిరుమల మందిర !!

2. కాంతులు చిందే నీ ముఖ బింబము -కాంచిన చాలును ఘడియైనా
నీ గుడి వాకిట దివ్వెను నేనై -నిలచిన చాలును రేయైన
నీ పదములపై కుసుమము నేనై - నిలచిన చాలును క్షణమైనా !!తిరుమల మందిర !!