రాగం : తిలకాంభోజి -- ఇమ్మా సుజ్ఞానము అమ్మలకు అమ్మ మా యమ్మ

రాగం : తిలకాంభోజి -- ఇమ్మా  సుజ్ఞానము అమ్మలకు అమ్మ మా యమ్మ 

ఇమ్మా  సుజ్ఞానము -  అమ్మలకు అమ్మ
మా యమ్మ సీతా మహాలక్ష్మి

1, నీ పాదములపై వాలిన క్షణమె - తరియించెనమ్మా నా జన్మం
నీకే కానుక నివ్వగలనమ్మా - ఇచ్చేందుకు నా వద్దెమున్నది !! ఇమ్మా  సుజ్ఞానము  !!

2. ఘనుడౌ సద్గురు కాళీకృష్ణుని - సతియై జగముల నేలెదవు
జ్ఞాన హీనుడని యోచించి -జనకుడు నాపైన కినుక వహింపగ  !!ఇమ్మా  సుజ్ఞానము !!

3. యిలవేలుపువై వెలసితివమ్మా - ఈ ధారుణిలో సీతమ్మా
నిలకడ చూపవె నా యెడ తల్లి - నీవే నన్నిల దిక్కేవరమ్మా !! ఇమ్మా  సుజ్ఞానము !!

4. యతి గణ ప్రాసలు ఎరుగని నేను - ప్రతిపాటను నే పాడితిని
నా కృతి దోషము సవరింపుమని - బ్రతిమాలితినీ శ్రీతమందారి !!ఇమ్మా  సుజ్ఞానము !!