రాగం : శ్యామా - బృందావనమది అందరిది

రాగం : శ్యామా   బృందావనమది అందరిది వరస:: ఆది తాళం మంగళ హారతి పాట

పల్లవి –

మంగళ హారతి, ముదముగను

మా సీతా రాముల కివ్వరటే

సుదతు లార మీరందరు కూడి
సొంపుగ హారతు లీయరాటే || మంగళ ||
                                                                         

1. బంగరు పళ్ళెరముల యందు
బల్ చక్కని వసంత మును బోసి
వనిత లార మీ రందరు కూడి
వేగమె హారతు లీయరటే || మంగళ ||

2. సీతా రాముని పొగడుచును
బహు చక్కని పాటలు పాడుచును
రమణు లార, మీ రెల్లరు కూడి
రయముగ హారతు లీయరటే || మంగళ ||

3. పునుగు జవ్వాది, అత్తరులు
బల్ చక్కని పన్నీరుల తోడ
సుగంధి తిలకము, దిద్దుచు మీరలు
యింపుగ హారతు లీయరటే || మంగళ ||