రాగం : మాల్ కోష్ -- అదిగో భద్రాద్రి గౌతమి ఇదిగో చూడండి

రాగం : మాల్ కోష్ -- అదిగో భద్రాద్రి గౌతమి ఇదిగో చూడండి

అదిగో భద్రాద్రి గౌతమి ఇదిగో చూడండి || అదిగో ||

1. ముదముతో సీత ముదిత లక్ష్మణుడు
కదసి కొలువగా కలడదె రఘుపతి || అదిగో ||

2. చారు స్వర్ణ ప్రాకార గోపుర
ద్వారములతో సుందరమై యుండెడి || అదిగో ||

3. అనుపమానమై అతిసుందరమై
తనరు చక్రమది ధగ ధగ మెరిసెడి || అదిగో ||

4. కలియుగమందున నిల వైకుంఠము
నలరుచునున్నది నయముగ మ్రొక్కుడి || అదిగో ||

5. పొన్నల పొగడల పూపొద రిండ్లతొ
చెన్ను మీరగను చెలగుచునున్నది || అదిగో ||

6. శ్రీకరముగ శ్రీరామదాసుని
ప్రాకటముగ బ్రోచే ప్రభువాసము || అదిగో ||