ఏమిపాదము నీదు పాదము దివ్య పాదము

ఏమిపాదము నీదు పాదము దివ్య పాదము

.ఏమిపాదము నీదు పాదము దివ్య పాదము
మహిమలెన్నో మహిన చూపిన మేటి పాదము శ్రీ సాయి పాదము

1.షిరిడి నేలను పుణ్య భూమిగ మార్చినట్టి పాదము
భరత భూమిని భాగ్య శీలగ తీర్చినట్టి పాదము
గంగయమున పుణ్య నదుల ప్రవహింపజేసిన పాదము
భక్త దాస గణాది భక్తుల బ్రోచినది ఈ పాదము 

 
2.కృష్టు వ్యాధి భాగోజీని కాచినట్టి పాదము
కమ్మరి బాలుని అగ్ని నుండి కాపాడిన పాదము
మైనతాయికి ప్రసవ వేదన తీసివేసిన పాదము
గీతార్ధ శ్లోక బోధన చెప్పినట్టి పాదము

 
3.జలముతోనే జ్వలన చేసిన దీపకాంతి పాదము
జ్ఞాన జ్యోతుల వెలుగుతోనే భక్తి చూపిన పాదము
బ్రహ్మ జ్ఞానము బోధించి ముక్తి చూపిన పాదము
నాణెములతో నవవిధ భక్తి తెలిపిన పాదము 

 
4.కులము మతములు యేవి లేవని చెప్పినట్టి పాదము
సమత మమత చూపినట్టి సామరస్య పాదము
సగుణ బ్రహ్మ ఆకారమై వచ్చినట్టి పాదము
అందరి దైవము వోక్కడేనని బోధించిన పాదము 

 
5.ఓం సాయి శ్రీ సాయి జయజయ సాయి
ద్వాదశ మంత్ర జపము యిచ్చినట్టి పాదము
రామకృష్ణ శివ మారుతి దత్త దేవుని పాదము
అల్లా యేసు నానక్ గోవింద వొక్కటన్న పాదము