కరుణించి మము బ్రోవరా, మహాదేవా

కరుణించి మము బ్రోవరా, మహాదేవా
కనులార కనిపించరా, మహాదేవా
కలనైన కనిపించరా -- కరుణించి --

ఏ నామమున నిన్ను పిలవాలి ఓ దేవా,
ఏ రూపమున నిన్ను కొలవాలి నా తండ్రి,
నామరూపము లేదుగా, మహాదేవా
నాశం అసలే లేదుగా, మహాదేవా -- కరుణించి--

ముక్కోటి దేవతల మూలము నీవయ్య,
ముక్తికి మార్గంబు నీ నామ స్మరణయ్య -
ఆది అంత్యము నీవేగా మహాదేవా
అంతటా ఉన్నావుగా మహాదేవా -- కరుణించి --

పాపాల కుపంబు, మానవ జన్మంబు,
జన్మనిచ్చిన తండ్రి, జ్ఞానం ఈయగ లేవా
ఆది అంత్యము నీవేగా మహాదేవా
అది తెలియకున్నాముగా మహాదేవా -- కరుణించి --