ఏమీ సేతురా లింగా, ఏమి సేతురా

పల్లవి
ఏమీ సేతురా లింగా, ఏమి సేతురా

చరణం : 1
గంగ ఉదకము తెచ్చి నీకు, లింగ పూజలు చేతమంటే,
గంగనున్న చేప కప్ప ఎంగిలంటున్నాయి లింగా,
మహానుభావా, మహా దేవ శంభో
మా లింగ మూర్తి -- ఏమి సేతురా --

చరణం : 2
అక్షయావుల పాలు తెచ్చి, అర్పితము చేజేతమంటే
అక్షయావుల లేగదూడ ఎంగిలంటున్నాయి లింగా ,
మహానుభావా, మహా దేవ శంభో
మా లింగ మూర్తి -- ఏమి సేతురా --

చరణం : 3
తుమ్మ పూవులు తెచ్చి నీకు తుష్టుగా పూజింతమంటే,
కొమ్మ కొమ్మకు కోటి తుమ్మెద ఎంగిలంటున్నాయి లింగా ,
మహానుభావా, మహా దేవ శంభో
మా లింగ మూర్తి -- ఏమి సేతురా --